Psa 109 | PON | STEP | MAING Kot, me i kin kapikapi n a, kom der kotin japaimokid!

Psalms 109

1 MAING Kot, me i kin kapikapina, kom der kotin japaimokid!
2 Pwe au en me doo jan Kot, o me kin kotaue jara don ia, re lokelokaia on ia ki lo likam.
3 Re lokaia jued on ia waja karoj, o pei on ia ni jo karepa
4 Ni ai pok on ir, re kin imwintiti on ia; anai kin poten kapakap.
5 Irail depukki ai me mau me jued, o re kin tata kin ia ni ai pok on ir.
6 Kotin kajapwiladan i me doo jan Kot amen, pwen a jaunkapun o me palian I, en mi ni pali maun a.
7 Ma a pan pakajau, a pan pakadeikada, pil a kapakap en kadipala i.
8 A ran akan en malaulaula, o a koa en ko on amen.
9 Na jeri kan en japoupou, o a paud en li odi amen.
10 Na jeri kan en janjarwaru jili o wia poekipoek, o re rapaki kan ar mana, doo jan nan moan im arail.
11 Me norok moni en pitia jan i a meakoaroj, o men wai en kulia jan i a dipijou kan.
12 O jota me pan kadek on i, o jota me pan jauja na japoupou kan.
13 Kadaudok a en kokoka jan; o mar arail en niki jan nin di kaieu.
14 Japun en jam a ko en janjal mon Ieowa, o dip en in a ender lapwada.
15 Ieowa en kotin majamajan irail ajau karoj, o kataman parail en niki jan in jappa.
16 Pweki a jota man kadek, pwe a pakipaki me luet o jamama, o me injenjued, pwen kamela i.
17 O a inon ion en riala; ari en lel on! O a jota injenoki kapai, ari, en doo jan i!
18 A kapwateki me jued duata a likau, ari me jued en kolon lole dueta pil o nan kokon akan dueta le.
19 Me jued en rajon a likau pup, me a kin likauwiada, o rajon men pirapir me a kin pirapireki.
20 Iduen Ieowa pan kotin pwain on me palian ia, o me kin lokaia jued duennai. 21 A komui, Main Ieowa ai Kot kotin wiawia ia, pweki mar omui; pwe omui kalanan kajampwal, dore ia la!
22 Pwenai me luet o jamama, o nan monion i olar.
23 I kin tanwei dueta mota, o i pan kamajak wei dueta manjiek amen.
24 Na i kat luete kilar kaijejol, o uduk ai tikitikilar;
25 O i wialar men lalaue re ’rail; ni ar kilan ia, re kin due duailok!
26 Main Ieowa, ai Kot, kom kotin dore ia la duen omui kalanan!
27 Pwe ren aja, mepukat tapi jan ni lim omui, me komui Ieowa kotin wiadar mepukat.
28 Menda, ma re lalaue, kom kotin kapai ia da. Ma re palian ia, ren namenokala, pwe japwilim omui ladu en pereperen.
29 Re kotin wiai on ai imwintiti, ren likau kida namenok, o ren purion nan me jued dueta likau pup.
30 I pan danke Ieowa melel ni au ai, o i pan kapina i nan pun en me toto.
31 Pwe a kotikot ni pali maun en me jamama, pwen dorela i jan ir, me kadeikada i, en kamela.